Tərəvəz, qırmızı ət, balıq, paxlalılar sağlamlığımız üçün qəbul etməmiz lazım olan qidalardandır. Amma bunları qəbul edərkən diqqət yetirməniz lazım olan ən əhəmiyyətli nüanslardan biri uyğun bişirmə üsuludur.
Bəs ən sağlam bişirmə üsulları hansıdır, bilirsinizmi?
Sobada bişirmə
Çox az yağ əlavə olunaraq sobada bişirilən yeməklər həm kalori baxımından, həm də sağlamlıq baxımından çox faydalıdır. Balıq və ət yeməkləri sobada az zeytunyağı, az su və tərəvəzlər ilə bişirilsə, həm kalori alışı azalacaq, həm də bişirmə sırasındakı qida elementləri və vitamin itkiləri ən aza enəcək. Ayrıca ədviyyat qarışıqları əlavə edərək heç yağ əlavə etmədən bişirmə torbalarından faydalansanız, sobada çıtır – çıtır yumşaq toyuğunuz, həm ləziz, həm də toyuq qızartmasına nisbətdə yarı – yarıya az yağlı olacaq.
Qaynatma üsulu ilə bişirmə
Qaynatma üsulu da çox çox istifadə edilən bir bişirmə texnikasıdır. Qaynar və ya soyuq suya atılan qidalar bir müddət qaynadıqdan sonra istilik azaldılaraq bişənə qədər vamda qaynadılır. Burada diqqət yetirilməsi lazım olan nöqtə, qidanın çox uzun müddət qaynadılıb çox istiliyə məruz qalmasıdır ki, bu zaman vitamin və qida elementlərini itirir. Buna görə qaynayan suya qidanı atıb qısa müddətdə bişirmək ən doğru üsuldur.
Buxarda bişirmə
Buxarda bişirmə, yeməklərin xüsusi qablarda suya dəymədən yalnız su buxarında bişirilməsi üsuludur. Xüsusilə tərəvəzlər üçün çox uyğun olan bu üsul ən sağlam bişirmə texnikasıdır. Az zamanda daha az istiliyə məruz qaldığı üçün qidalar C, A, E vitamini başda olmaqla qida dəyərlərində itki ən aza enir. Yeməyin tərkibindəki nişastanın yumşalması, sellüloza, zülal və lifli quruluşun qırılması ilə yeməyin daha yumşaq hala gəlməsi təmin edilir. Qida zəhərlənməsinə yol aça biləcək bakteriyaları yox edərək yeməyi etibarlı hala gətirər. Yeməyin keyfiyyətini, rəngini, ləzzətini və toxumasını artırır. Qidalar asan həzm edilə bilir və diet yeməyi halına gətirir.
Quru qızartma üsulu
Kiçik və incə parçalanmış qidaların sürətlicə bişirilməsi üçün sıxlıqla istifadə edilən bir üsuldur. Yapışma etməyən tava istifadə edirsinizsə yağ əlavə etmənizə qətiliklə ehtiyac yoxdur. Ancaq belə bir tavanız yoxsa bir çay qaşığı yağ əlavə edərək qızartma əməliyyatını edə bilərsiniz. Davamlı qarışdırılaraq bişən qidalarda qidanın özsuyunun çölə çıxmasına maneə törədilir və qidanın elementlərinin mühafizəsi təmin edilir.
Canınızın sağlamlığı üçün bu üsullardan sizlər də faydalanın!
