sağlamlıq

Qarabaşaq və düyü ən populyar pəhriz yeməkləri olaraq qalır.

Həm düyü, həm də qarabaşaq faydalı element və vitaminlər ehtiva edir. Lakin bu faydanın həcmi ciddi şəkildə fərqlənir. Məsələn, 100 qram qarabaşaqda maqnezium düyüdən dörd dəfə, sink isə ikiqat çoxdur. Qarabaşaqda kalium düyüdən təxminən dörd dəfə daha zəngindir. Qarabaşaq az qidalandırıcı bir məhsuldur: 100 qramda – 110 kkal.

Fitnes üzrə rusiyalı təlimçi Alyona Bulatova arıqlamaq istəyənlərə düyü yeməyi tövsiyə edir: təxminən eyni kalori var – 116 kkal, lakin daha sadə tərkibi olduğuna görə gündə daha çox yemək olar.

Sağlamlığa faydası

Düyü və qarabaşaq yarmasının tərkibindəki yüksək kalium ürək-damar sisteminə müsbət təsir edir, ödem və duzlardan yaxa qurtarmağa kömək edir və bu, oynaqlarımız və böyrəklərimiz üçün vacibdir.

Qastrit və ya yazva diaqnozu qoyulmuş insanlar üçün düyü xüsusilə qaynadılmış formada faydalıdır – yemək borusunun divarlarını yumşaq şəkildə örtə və mədə-bağırsaq traktının turşuluğunu azalda bilər.

Qarabaşaq bədənin öz zülalını sintez etməsinə kömək edir, buna görə ətin qismən əvəzləyicisi kimi vegetarianların rasionunda əvəzolunmazdır. Qarabaşaq yarmasında olan vitaminlər sinir sistemini gücləndirir və stress və gərginliyi azaltmağa kömək edir.

 

Zərərləri

Ağ rəfinıə edilmiş düyü qəhvəyi və ya qara qədər faydalı deyil. Üst qabıq, yəni vacib qida maddələrini ehtiva edən hissə çıxarılır. Ancaq hazırlıq və qiymət səbəbindən insanlar yalnız belə bir düyü seçirlər. Dietoloq Yekaterina Zaxarova bildirib ki, gündə 200 qram kifayətdir.

Şəkərli diabet xəstələri üçün böyük həcmdə düyü tövsiyə edilmir, çünki tərkibində çox miqdarda nişasta var, bu da qanda şəkər səviyyəsinin artmasına səbəb ola bilər. Bundan əlavə, mütəxəssislər qeyd edirlər ki, düyü maddələr mübadiləsini yavaşlada bilər, odur ki, həzm problemi olan insanlar bu taxıl qəbulunu məhdudlaşdırmalıdırlar.

Qarabaşaq həddindən artıq yediyiniz halda allergik reaksiyalara səbəb ola bilər. Eynilə düyü kimi qarabaşaq yarması da metabolizmi yavaşlada bilər. Qida zəhərlənməsindən və ishaldan sonra yemək tövsiyə olunur.

Qidalanmanın balanslı olması və bütün zəruri iz elementlərinin bədənə daxil olması üçün bütün növ dənli bitkilər rasionumuzda mütləq olmalıdır.

Əvvəlki məqaləCavan qalmaq istəyirsinizsə, hər səhər acqarına bir stəkan “qızıl” su için
Növbəti məqalədə“Spiral”a güvənməyin: hamilə qala bilərsiz! – Ginekoloqdan xəbərdarlıq