Oyuncaqların uşağın zəkasının formalaşmasında və inkişafındakı rolu danılmazdır. Buna görə də oyuncaqların seçimində onun yaşa uyğun olmasına diqqət yetirmək zəruridir.
Mütəxəsislər oğlan və ya qız oyuncağı kimi bir ayrı-seçkiliyin edilməməsi lazım olduğunu vurğulayaraq, çünki uşaqların hər oyunu, oyuncağı araşdırmaq istəyə biləcəklərini söylədilər.
2-7 yaş arası uşaqlarda simvolik oyunlar başlayır, bunlar sanki əzəli-əbədi oynanan oyunlardır. Evcilik oyunu, bir fincandan çay içirmiş kimi, yeyirmiş kimi hərəkətlər edilməsi, bir çubuğun qılınc kimi xəyal edilməsi bu dövrün başlıca oyunlarıdır.
7-8 yaş sonrası nizamlı oyunlar başlayır, oyunun xarakterində ictimailəşmə burada diqqətə çarpmağa başlayır. Uşaq, qaydalara uyğun gəlməyi, gözləməyi, paylaşmağı, mübarizə etməyi, risk etməyi, yəni o birilərlə ictimai mənada əlaqə yaratmağı sınayır. Bunlar eyni zamanda mədəni təcrübələrdən qaynaqlanır. Oyun iqlimdən, cinsiyyətdən, mədəniyyətdən və yaşanılan çağdan təsirlənərək yaranır.
0-3 yaş arası dövrdə uşağın oyuncaqlarını valideynlər seçər. 3 yaşından etibarən uşaq, maraq duyduğu oyuncağı seçməyə başlayır. Bu yaşdan etibarən uşaqların seçdikləri oyuncaqlara hörmət göstərmək lazımdır. Uşağın oynamaq üçün seçdiyi oyuncaqlar onların qabiliyyətləri, maraq sahələri, istəkləri haqqında məlumat verir. Uşağın oyuncaq seçimində iştirak etməsi, onun şəxsi xüsusiyyətlərini, zəka və fiziki xüsusiyyətlərini, maraq sahələrini təyin edə bilir.
Uşaq, oynadığı oyuncaqla özünü ifadə edir. Bu səbəblə oğlan və ya qız oyuncağı kimi bir ayrı-seçkilik yerinə uşağın oyuncağıyla necə oynadığı, nələri əks etdirdiyi və nələri ifadə etməyə çalışdığı əhəmiyyətlidir. Xroniki bir şəkildə eyni oyuncaqla davamlı eyni oyunu oynayırsa bu vəziyyət bir problem ola biləcəyinə işarədir. Əks halda uşaqlar müxtəlif oyuncaqlara maraqlıdır və hər oyuncağı araşdırma fürsəti arayarlar. Bu səbəbdən oyuncaq alarkən cinsiyyət ayrı-seçkiliyi güdməmək lazımdır. Uşaqlar onsuz da məktəb yaşına çatanda oyuncaq seçimi mövzusunda fərqliləşməyə başlayırlar.