Kökəlmə süni qidalardan və içkilərdən aşırı istifadə nəticəsində orqanizmdə şlakların (zir-zibilin) yığılıb qalmasının nəticəsidir. Tədricən bu şlaklar orqanizm ücün zəhərli maddələrə çevrilir. Artıq çəki bir çox xanım üçün gerçək mənada problemə çevrilib. Bir çoxumuz müxtəlif dietlərlə buna nail olmağa çalışırıq.
Amma nəzərə almaq lazımdır ki, həkim nəzarəti olmadan, kor-koranə pəhriz saxlamaq sağlamlıq üçün zərərlidir, hətta həyatınız üçün təhlükəlidir. Ölümlə nəticələnən belə pəhriz olaylarına Türkiyə telekanallarında hər gün rast gəlirik.
Bəs sağlamlığa zərər vermədən necə arıqlamaq olar? Ümumiyyətlə, yeyərək arıqlamaq olarmı?
1. Yağlı və şirin qidaları maksimum azaltmaq
2. Qızardılmış yeməklər yeməmək
3. Süni qidalardan və içkilərdən imtina
4. Tez-tez qazsız su içmək
5. Mümkün qədər çiy şəkildə qidalanmaq
6. Çoxlu qatıq və meyvə-tərəvəz yemək
7. Çörək, duz, şəkəri azaltmaq
8. Çox çeşiddə ədviyyatlardan istifadə etmək
9. “Fast-food”dan imtina
10. Hər gün limon, kələm, sarımsaq yemək
11. Ət, yumurta və süd məhsullarından imtina (qatıqdan başqa)
12. Tez-tez ilıq su ilə yuyunmaq
13. Açıq havada gəzmək
14. Heç bir halda əsəbiləşməmək
15. Günəş vannası qəbul etmək (12-17 arası istisna)
16. Yalnız taxt çarpayıda və arxası üstə yatmaq
17. Sutkada 7 saatdan artıq yatmamaq
18. Yüngül gimnastika və qaçış
19. Kosmetikadan istifadəni minimuma endirmək
20. Xəstələndikdə ilk növbədə təbii müalicəyə üstünlük vermək
Qeyd edək ki, göstərilən şərtlər dahi yapon alimi, dünya şöhrətli dietoloq Katsuzdo Nişinin sağlamlıq sistemi əsasında hazırlanıb. Dünyada məhşur “Natural gigiyena” hərəkatı da bu qaydalara istinad edir. Bu qaydalara əməl etmək insanı təkcə arıqlatmır, həm də sağlam saxlayır.
Arıqlamaq üçün zorakı üsullardan istifadə ağır fəsadlara, hətta ölümə gətirib çıxarır. Bu qaydalar isə, yoqa sisteminə aiddir və çox effektlidir. Hazırda inkişaf etmiş ölkələrdə sağlam həyat tərzinin və normal çəkinin əldə edilməsində bu tələblərin əvəzedilməz önəmi olduğu qəbul olunur.