“Buna bir tikə yemək yedizdirincəyədək anadan əmdiyim süd burnumdan gəlir”.
Belə şikayətləri gənc analardan tez-tez eşidirik. Valideynlər əksər hallarda anlamırlar ki, bu pis tərbiyənin nəticəsidir.
Valideynin narahatlığını anlamaq olar-o istəyir ki,körpə normal qidalansın və sağlam böyüsün.Ümumiyyətlə, körpələrin pis qidalanmasının səbəbi çoxdur.Onları müəyyən etmək üçün səbirli olmalı,balaca insancığaza diqqət və hörmətlə yanaşılmalıdır.
Anadangəlmə iştah pozğunluğu,sonradan meydana çıxan iştahanın pozulması-yeməkdən tam imtina edilməsi…
Körpəni istənilən şəkildə yeməyə dəvət edəndə üsyan edir və hətta bəzən qusur.
Bu halda ixtisaslı həkimə müraciət mütləqdir.
Əgər uşağınız prinsipcə sağlamdırsa,amma yemək zamanı şıltaqlıq edirsə,bir yeməkdən imtina edib başqasını tələb edirsə və ya yeməyin çoxu qabında qalırsa narahat olmayın ki, o az yeyir.İmkan verin ki,uşağın iştahası öz-özünə oyansın.Digər hərəkətləriniz-dilə tutmaq,yalvarmaq,üstünə qışqırmaq və s. onun iştahasını küsdürə bilər.
Birdəfəyə uşağın qabağına bir neçə cür yemək qoymayın.Bir yeməyi yeyib qurtardıqdan sonra digərini təklif edin.
Öz aləminizdə konfet və ya hər hansı şirniyyatla uşağın iştahasın açmağa çalışırsınız.Elə bircə konfet kifayətdi ki, uşaq yeməkdən imtina etsin və davamını istəsin.
Süfrə başında səhnələr quraşdırırsınız: “Yeməsən yeməyi pişiyə verəıcəyəm!” və ya “qonşunun uşağına verəcəyəm!”… ” Hə, mama qurban, bunu da “amm” elə!” və sairə…
Amma bunun əvəzinə uşağın qabağından yeməyi götürmək və özü istəyənə qədər gözləmək lazımdır.Heç bir canlı ac qalmaq istəməz!)))
Və nəhayət, uşağı evdə hazırlanmış yeməklərlə qidalandırmağa üstünlük verin.
