Ev Homme+Femme Kişilərin qadınları niyə tərk edirlər

Kişilərin qadınları niyə tərk edirlər

Sevgilinizin sizi niyə tərk etdiyini heç cür anlaya bilmirsinizsə, bu xəbərimiz sizin üçündür. Kişilərin ayrılıq zamanı etiraf edə bilmədiyi əsl tərk etmə səbəblərini yazdıq. Yaxşı davam edən bir münasibətiniz birdən-birə səbəbini anlamadığınız bir şəkildə tərk edilməyiniz ilə nəticələndi? O, sadəcə “problem səndə deyil, məndədir” deyib getdi? Həqiqətən də problem sizdə yox, onda ola bilər. Ancaq həm də münasibətinizdə fərqinə varmadığınız bir çox problem də ola bilər. Münasibətlərinizdə eyni səhvləri təkrarlamamaq üçün bu problemlərin fərqinə varmağınızda fayda var.
Kişilərin qadınları niyə tərk edirlər

Həyatdan fərqli gözləntilərinizin olması

Partnyorunuz ilə olduqca yaxşı vaxt keçirdiyinizi, birlikdə çox əyləndiyinizi və bəlkə də hər şeyin qüsursuz getdiyini düşündüyünüz bir anda tərk edilmisinizsə, bu ayrılığın altında yatan ən vacib səbəb həyatla və münasibətinizlə bağlı fərqli gözləntilərə sahib olmağınız ola bilər. Sizin münasibətdən əsas gözləntiniz elə birlikdə xoş vaxt keçirmək olduğu halda, ola bilər ki, onun gözləntisi daha ciddi bir münasibətdir. Ya da tam əksinə.

İnamsızlıq

Bir münasibətdə ən vacib şey qarşılıqlı inamdır. Sizin üçün münasibətinizdə belə bir problem olmasa da, qarşı tərəf sizə heç cür inanmamış ola bilər. Öz həyatınızı öz qaydalarınıza görə yaşayıb, onun qaydalarını qəbul etmək məcburiyyətində olmadığınızı hiss etdirməyiniz kişilər üçün bəzən anlaşılmaz olur. Sizə açıq şəkildə deməmiş olsa da, münasibətiniz bu səbəblə bitmiş ola bilər.

Kişilərin qadınları niyə tərk edirlər

Ətrafınızdakı insanların münasibətinizə daxil olması

Qadınların münasibətlərində ən çox etdikləri səhv ailələrinin və dostlarının fikirlərini həddindən artıq nəzərə alıb, bunları münasibətlərinə köçürmələridir. Hər nə qədər ailəniz sizi yaxşı tanısa da, münasibətin içində sadəcə ikinizin olduğunuzu və yaşadıqlarınızı sizdən başqa heç kəsin sizin qədər anlamayacağını nəzərə alın. Əks təqdirdə sevgiliniz sizdən uzaqlaşa bilər.

Xəyanət

Tərk edilməyinizin ardınca sevgiliniz yeni bir münasibətə başlayıbsa, bu ayrılığın səbəbi başqa bir münasibət ola bilər. Fiziki olaraq bir xəyanət yaşanmamış olsa da, onun sizinlə sevgili olduğu vaxtlarda başqasından xoşu gəlmiş ola bilər.

 Kişilərin qadınları niyə tərk edirlər

Doğru insan olmamağınız
Xüsusilə uzunmüddətli münasibətiniz birdən-birə sonlandısa, böyük ehtimalla səbəb sizin onun üçün doğru insan olmamağınızdır. Sizi nə qədər sevsə də, uzun müddət davam edən bu münasibətin sonunda bütün ömrünü keçirmək üçün sizin doğru insan olmadığınızın fərqinə varmış ola bilər. Əlbəttə bunu açıq-açıq demək çətindir, hətta bunu özünə etiraf etməkdə belə çətinlik çəkə bilər.
Əvvəlki məqaləUşağa gündəlik qulluq
Növbəti məqalədəBu bürclər koronavirusdan qorxmalıdır!