Üç oğul anası olan amerikalı Bronvin Bredi qız övladı istədiyi üçün dördüncü hamələlikdə qidalanmasını dəyişdirib.
körpənin cinsini müəyyənləşdirmək üçün müxtəlif üsullar tətbiq olunur. Bununla bağlı çoxlu sayda batil inanclar da var. Amerikalı gənc ana isə körpənin qız olması üçün çox maraqlı bir üsul yoxlayıb. O, hamiləliyi ərzində menyusunu dəyişdirərək 9 ay boyu pomidor, kartof və banandan imtina eidb.
32 yaşlı Bronvin bununla öz arzusuna çatdığını iddia edib:
“Araşdırma apardıqdan sonra insanların oğlu olması üçün yedikləri nə varsa, onların hamısını yediyimin fərqinə vardım. Çoxlu qırmızı ət yeyir, enerji verən və dəmir miqdarı yüksək yeməklərdən ibarət pəhriz saxlayırdım”.
Qadının sözlərinə görə, araşdırmaları göstərib ki, çoxlu banan, kartof kimi məhsullar yeyən qadınların adətən oğlu olur. Çünki bu qidalardakı kaliumun uşağın oğlan olmasına təkan verən mineral sayılır. Bu faktı öyrəndikdən sonra qadın qırmızı ət, banan, kartof və pomidordan imtina edərək, onları süd və qaragilə şirəsi ilə əvəzləyib.
Gənc ananın araşdırmasına görə “Hər şeydən az ye” pəhrizi dünyaya qız övladı gətirməyin ən təsirli yoludur:
“Tarixdə aclıq çəkən və ya müharibə dövründə qadınların daha çox qız uşağı sahibi olmasının səbəbi də budur. Tarixən daha çox və daha keyfiyyətli qidalanan qadınlar isə əsasən dünyaya oğul övladı gətirir”.
Xatırladaq ki, 2008 ildə aparılan araşdırmanın nəticələrinə görə, banan yeyən qadınların oğlu olmasının ehtimalı çox yüksəkdir.
