Mütəxəssislər genital nahiyədə olan xoşagəlməz tükləri mum epilyasiya üsulu ilə təmizləyən qadınlara xəbərdarlıq edib.
Qadınların çoxu genital nahiyəsini tüklərdən təmizləyir və bunun adi hal olduğunu düşünür. Ancaq aparılan son araşdırmalarda məlum olub ki, genital nahiyəni təmizləmək olmaz. İngiltərəli ginekoloqlar genital nahiyədə olan tükləri təmizləməyin fəsadlarından danışıb. Mütəxəssislər bildirib ki, genital bölgədə çıxan tüklər uşaqlıq yolunu mikroblardan müdafiə edir.
Qasıq nahiyəsindəki qıllar dərini isti saxlayır
Ginekoloq Alissa Dvek qasıq tüklərinin temperaturun nəzarətinə yardımçı olduğunu, eynilə saçlarımız kimi dərini isti saxladığını və uşaqlıq yolunu soyuqdan qoruduğunu deyib.
Cinsi xəstəliklərlə yoluxmasına mane olur
Aparılan bəzi araşdırmalar göstərib ki, uşaqlıq yolu və genital nahiyədə olan tüklər cinsi yolla yoluxan xəstəliklərin qarşısını alır. Elm də bunu dəstəkləyir.
2016-ci ildə aparılan araşdırmaya görə, cinsi yolla keçən bir infeksiyaya yoluxma ehtimalı 75% -dir. Ən az bir dəfə cinsi yolla ötürülən infeksiyaya yoluxanların 75 %-inin tüklərini mütəmadi olaraq təmizləyən adamlar olduğu ortaya çıxıb. Bunun səbəbi kimi ülgüc və mum kimi epilyasiya üsullarının dəridə kiçik yaralar yaratması və bu yaraların da infeksiyalara açıq olması göstərilib.
Eyni zamanda tüklər məşq zamanı dərini travmadan müdafiə edir. Qasıq tükləri xüsusilə cinsi əlaqə zamanı dəri üçün qoruyucu vasitədir. Bu tüklər cinsi əlaqə zamanı həssas olan bölgənin qıcıqlanmasına və zədələnməsinə mane olur.
