Bu qidalar həzmi sürətləndirir

Bəzi insanlar şokolad, keks, çipsi yesə də, arıq qala bilir. Başqa biri isə hər kalorini hesablamağa məcburdur ki, artıq çəki almasın. Təbii ki, belimizin ölçüsünə hormonal səviyyə, yaş, həyat tərzi, xroniki xəstəliklər təsir edir. Ancaq dəyişə biləcəyimiz başqa bir amil var, o da maddələr mübadiləsidir.
Məşhur diyetoloq Edi Horstman hansı vərdişlərin maddələr mübadiləsindən asılı olduğunu və hansı qidaların orqanizmin kalorini daha tez yandırmasına kömək edəcəyini açıqlayıb.
Maddələr mübadiləsinə nə təsir edir?
Bədənimiz daim enerjidən istifadə edir: hətta bu materialı oxuyarkən, göz qırparkən və nəfəs alarkən müəyyən bir miqdar enerji sərf olunur. Kiminsə  metabolizmi sürətli işləyir, başqa birində isə əksinə.
Qidalanma: meyvə, tərəvəz, zülal yedikdə orqanizmin onu həzm etməsi daha asan olur. Buna uyğun olaraq maddələr mübadiləmiz sürətlənir. Yüksək kalorili və yağlı qidalar mədə-bağırsaq traktı üçün hər dəfə bir sınaqdır, onun müntəzəm istifadəsi bütün prosesləri ləngidə bilər;
Qan şəkərinin səviyyəsi: qanda çoxlu qlükoza olduqda insulin onu bədən yağına çevirir, bu da metabolik proseslərə təsir göstərir;
Fiziki fəaliyyət: Aktivlik yalnız məşqlə bağlı deyil. Əksər diyetoloqlar hesab edirlər ki, ən azı 30 dəqiqə gündəlik aktiv gəzintilər həftədə 2 dəfə idman zalına getməkdən qat-qat faydalıdır.
Yuxu: 7-8 saat yatmağa çalışın, gecə yarısından əvvəl yatın və erkən qalxın. Nə qədər yaxşı yatsanız, gün ərzində bir o qədər az aclıq hiss edəcəksiniz.
Həzm – maddələr mübadiləsi bədənin qidanı həzm etmək üçün istifadə etdiyi enerjidir. O, qidaları zülallara, yağlara və karbohidratlara parçalayır, lazım olanı lazımsızdan ayırır. Beləliklə, karbohidratlar şəkərə, zülallar isə amin turşularına çevrilir. Bəzi qidalar bu prosesin daha sürətli başa çatmasına kömək edə bilər, məsələn, lifli qidalar: bütün taxıllar, tərəvəzlər, tumlar və təzə meyvələr bağırsaqların qidanı hərəkət etdirməsinə kömək edir. Həm də probiotiklər: süd məhsulları, duzlu kələmdə düzgün həzmi təşviq edən bakteriyalar var.
Sürətləndirməyə kömək edən məhsullar
Vücudumuz yağları daha sürətli yandıra bilər – və siz buna kömək edə bilərsiniz. Düzgün yuxu rejimi və müntəzəm məşqlə yanaşı, qida rasionu da maddələr mübadiləsinə təsir edə bilir.
Bəzi qidalar maddələr mübadiləsini sürətləndirməyə kömək edəcək. Məsələn, əriyin həm təzəsi, həm də qurudulmuşu faydalıdır, tərkibində dəmir, maqnezium, kalium və lif var – bu elementlər maddələr mübadiləsi üçün vacibdir.
Avokado sağlam yağlar, zülallar, antioksidantlar, E vitamini və maqnezium mənbəyidir.
Qaragilə də kömək edə bilər, qanda şəkərin səviyyəsini normallaşdırır, antioksidantlarla və liflə zəngindir.
Brokkoli maddələr mübadiləsini “yenidən konfiqurasiya etməyi” və qandakı pis xolesterinin səviyyəsini idarə etməyi bilir.
Acı sevənlər üçün şad xəbər – çili bibəri maddələr mübadiləsini sürətləndirə bilər, əsas odur ki, ondan sui-istifadə etməyin.
İspanaq, çuğundur yarpağı, kahı və yaşıl soğan kimi tünd yarpaqlı göyərtilərdə də dəmir yüksəkdir. Bu elementin aşağı səviyyəsi bədəndəki metabolik proseslərə mane olur.
Paxla və mərcimək həzm sistemini mükəmməl şəkildə doyuran və həddindən artıq yükləməyən zülallarla zəngindir.
Çiyələk C vitamini ilə zəngindir, bu da orqanizmdə metabolik proseslərin başlamasına kömək edir.