Sizə kosmetoloqların tez-tez istifadə etdiyi məşhur “boltuşka”nın reseptini təqdim edirik. Bu tanınmış vasitə sızanaqlarla mübarizədə çox effektlidir.
Boltuşkanın reseptləri çoxdur, sizi bu reseptlərdən biri ilə tanış edirik. Bu resepti rusiyalı kosmetoloq Elena Beloserkovskaya “Komsomolskaya pravda” qəzetinin oxucuları ilə paylaşıb.
Tərkibi:
– 5 həb levomesitin
– 3 həb aspirin
– 50 ml tibbi spirt
– 50 ml borat turşusunun spirtli məhlulu (2%) – спиртовый раствор борной кислоты 2%.
Bütün inqrediyentlər ucuzdur və istənilən aptekdə satılır.
Hazırlanması:
Həbləri yaxşı əzin, spirti və borat turşusunu əlavə edin, qarışdırın. Boltuşkanı kişik şüşə butulkaya tökün və soyuducuda saxlayın. Vasitəni hər axşam yatmazdan əvvəl sızanaqlar olan nahiyələrə çəkin (yumaq lazım deyil). İstifadə etdikdən əvvəl vasitəni yaxşı çalxalayın.
Nəzərə almaq lazımdır ki, bu vasitə allergiyaya səbəb ola bilər. Hamilə və uşaq əmizdirən qadınlara bu vasitədən istifadə etmək olmaz.
